今日再次啪骨，一去到，口罩都未除，醫師就話：「我記得你脊椎有少少彎。」
我只係去過一次，係...

今日再次啪骨，一去到，口罩都未除，醫師就話：「我記得你脊椎有少少彎。」
我只係去過一次，係三個幾月前，我驚嘆：「你記得我？」
醫師答：「梗係，開業以來叫得最慘嗰個。」
我一路被啪，一路叫；醫師一路啪，一路笑。

啪完之後，醫師話：「唔好打側訓，要打平訓。」
我：「好。」
醫師：「仲有，唔好食糯米。」
我：「驅殭屍嗰啲？咁我又打平訓，又唔食糯米，即係好似殭屍咁？」
啲姑娘都喺度笑，跟住我發現，所有人都認得我。

#醫師有神技 #真係好痛 #痛就要叫出來
#我就好似黑夜中的喇叭一樣 #一開口就咁顯眼

---